Rogelio Groba (1930) é un dos compositores máis laureados da música galega, dentro e fóra das fronteiras do país. De feito, é considerado como o compositor vivo máis importante de Galicia. Curiosamente, este pontevedrés comezou a súa carreira, aló polo ano 1947, no Torreiro de Cans, dirixindo á Banda de Guláns. Para celebrar este acontecemento, o Festival de Cans homenaxea no seu décimo aniversario a este mito vivinte da música, que volveu a dirixir á mesma Banda de Guláns no mesmo torreiro no que debutou hai 65 anos.